ShareThis

Wednesday, April 1, 2009

کے ای ایس سی کو وفاق کے حوالے کیا جائے

کراچی میں بجلی کی طویل دورانئے کی غیراعلانیہ لوڈشیڈنگ کے باعث عوام نے بے چینی اور گہری تشویش کااظہار کیا ہے اور بجلی کے بحران کو ملک و قوم کی ترقی و خوشحالی پر کاری ضرب قرار دیا ہے، شہر کراچی کے عوام بجلی کے بلوں کی مد میں ملک بھر سے زیادہ ادائیگی کررہے ہیں لیکن اس کے باوجود یہاں بجلی کا بحران نہ صرف عوامی مشکلات میں اضافے کا سبب بن رہا ہے بلکہ کاروباری اور تعلیمی سرگرمیاں بھی شدید متاثر ہورہی ہیں اُنہوں نے کہاکہ موسم گرما میں بجلی کی غیر اعلانیہ اور طویل لوڈشیڈنگ کے معمول نے شہریوں کی زندگی اجیرن کردی ہے اور وہ اس صورتحال میں عوام اپنے پرامن احتجاج کا حق محفوظ رکھتے ہیں ،عوام نے صدر مملکت آصف علی زرداری ، وزیر اعظم یوسف رضا گیلانی اوروفاقی وزیربرائے پانی و بجلی راجہ پرویز اشرف سے مطالبہ کیا کہ کراچی میں بجلی کی گھنٹوں غیراعلانیہ لوڈشیڈنگ کافی الفور نوٹس لیاجائے اور بجلی کے مسئلے کے حل کے لیے کے ای ایس سی کو دوبارہ وفاق کے ماتحت کیاجائے اور اوپن ٹینڈر کے ذریعہ اس ادارے کو ایسی انتظامیہ کے حوالہ کیاجائے جو کراچی کے شہریوں کے مسائل کے حل میں مخلص ہوں۔

3 comments:

  1. افتخار اجمل بھوپالApril 1, 2009 at 7:44 PM

    بجلی کی بابت کراچی والوں کی پریشانی درست ہے اور اس مداوا لازم ہے لیکن کراچی ایک بڑا مسئلہ کُنڈے ہیں ۔ صرف کُنڈے ہی ختم کر دیئے جائیں تو لوڈ شیڈنگ کم ہو سکتی ہے

    ReplyDelete
  2. پورے ملک میں‌یہی‌حال ہے جناب

    ReplyDelete
  3. کیوں نہ ہم اس ملک کو ہی ٹھیکے پر دے دیں
    یہ اور بات ہے کہ اس فارمولے پر کسی نہ کسی حد تک عمل ہو رہا ہے

    ReplyDelete