یوم یکجہتی کشمیر

یوم یکجہتی کشمیر 1992ء سے منایا جا رہا ہے اور یہ دن منانے کا مقصد کشمیری عوام کی آزادی کیلئے جدوجہد میں ان کے شانہ بشانہ چلنا ہے کہ وہ اپنی آزادی کی تحریک میں خود کو تنہا نہ سمجھیں۔
پاکستان کے ساتھ الحاق کشمیریوں کی سب سے بڑی آرزو ہے ۔ اس کے راستے میں ہندوستان حائل ہے۔ سات لاکھ بھارتی مسلح افواج کے افراد اور اتنی ہی پیرا ملٹری فورسز کے باوجودکشمیریوں کی اس تمنا اور آرزو کو ختم نہ کیا جاسکا کہ وہ پاکستان کا حصہ بنیں۔ پاکستان بننے سے پہلے ہی کشمیری ڈوگرہ راج کے خلاف آزادی کی تحریک چلارہے تھے اور آج تک کشمیری آزادی کی اس نعمت سے محروم ہیں۔
بھارتی حکومت جس طرح وہ جبر کے ہتھکنڈوں سے کشمیریوں کے جذبہ حریت کو گزشتہ 63سالوں سے ختم نہیں کرسکے ۔ اور وہ محض بڑی قوت اور دھونس اور دھاندلی سے وہ کشمیریوں کو غلام نہ رکھ سکیں گے ۔
5فروری ہر سال اس جذبہ کو مزید توانائی دیتارہے گا اور کشمیریوں کو یہ پیغام ملتا رہے گا کہ ان کی عظیم الشان قربانیاں رائیگاں نہ جائیں گی اور ان کی جدوجہد بالآخر کامیابی سے ہمکنار ہوگی ،ان شاء اللہ ۔